Нов адвокат за Јохан

ОДБРАНАТА НА ТАРЧУЛОВСКИ БАРА ПРОЛОНГИРАЊЕ НА ЖАЛБЕНИОТ РОК
Одбраната на Јохан Тарчуловски ќе се засили со нов адвокат, кој треба да помогне за обжалување на пресудата од Хаг за случајот Љуботен. Ова е една од причините поради која главниот правен застапник Антонио Апостолски поднесе барање до Хашкиот трибунал за пролонгирање на рокот за обжалување на пресудата до 9 септември. Иако засега не се открива името на можните нови членови во тимот на Апостолски, дознаваме дека се преговара со искусен адвокат од САД кој би помогнал за смалување на изречената казна од 12 години затвор за Јохан.

Според адвокатот Апостолски, пресудата содржи многу фактички грешки во скоро секој дел, меѓу кои и во прашањата за вооружен конфликт, оптужбите, одговорноста и настаните од 2001 година во селото Љуботен. Според него, и методот за разгледување на проценките од доказите на пресудата е сериозно прекршување на основните права на обвинетиот и до сега невиден напад на принципите на доказ без основано сомнение. Апостолски наведува дека на одбраната ќе и треба повеќе време да ги идентификува сите грешки и основи за да биде во можност да поднесе жалбата.

- Одбраната не ја разбира жестоката мотивација на Судот да ја префрли одговорноста на обвинетиот и затоа и треба повеќе време за да ги идентификува сите грешки направени од страна на “непристрасниот” Суд. Одбраната се обврзува дека ќе бидат во интерес на правдата и ќе ги заштитува правата на обвинетиот за правично судење, во согласност со Статутот, доколку Апелацискиот суд дозволи жалбата да биде поднесена најдоцна до 9 септември, се наведува во барањето на Апостолски.

Не се исклучува можноста на Апостолски да му помогнат и адвокатите на екс-министерот Љубе Бошкоски, кој беше ослободен од обвинение за истиот случај. Тоа е можно откако ќе заврши и евентуалното обжалување на ослободитената пресуда за Бошкоски од хашкото обвинителство. Македонската влада веќе најави дека е подготвена да ја зголеми финансиската помош за потребите на одбраната на Тарчуловски.

VECER

Add comment July 24th, 2008

Рашидовиќ јуниор во одбрана на Тарчуловски

Јесенка Рашидовиќ, ќерка на Едина Рашидовиќ, која е магистер по правни науки, и швајцарскиот адвокат што го бранеше Љубе Бошковски, Жиенал Метро, ќе бидат дел од тимот што ја подготвува жалбата за на првичната пресуда на Хашкиот трибунал за Јохан Тарчуловски, заедно со адвокатот Антонио Апостолски. Апостолски вели дека интензивно работат на жалбата и дека сега е рано да каже на кои точки ќе биде фокусирана. Според нашите информации, одбраната на Тарчуловски ќе се обиде да докаже дека убиените во Љуботен биле припадници на ОНА и дека Тарчуловски не ја наредил акцијата на 12 август 2001 година. Конечната пресуда за Јохан Тарчуловски Хашкиот трибунал ќе ја донесе најверојатно за половина година бидејќи пресудата и жалбата мора да се преведат, а сега е период на летни одмори, велат од Здружението за поддршка на Љубе Бошковски. По 30 дена откако ќе заврши рокот за жалба, Трибуналот ќе одлучува каде Тарчуловски ќе ја издржува затворската казна.

Vreme

Add comment July 19th, 2008